Британиялик дайвер Ҳинд океанининг сувлари одамлар айби билан қандай аҳволга келиб қолганини тасвирга олган видеоси орқали кўрсатиб берди. Бали сувларида пластик чиқиндилар денгиз жонзотларидан ҳам кўпроқни ташкил этмоқда, деб хабар берди National Geographic.
Дайвер Рич Хорнер томонидан Нуса Панида ороли яқинида тасвирга олинган видео ортга қайтариб бўлмас экологик фалокатдан дарак беради. Сув ости балиқлар, медуза ва бошқа денгиз жонзотлари ўрнига чиқиндиларга тўлиб тошган.
Балида пластик чиқиндилар муаммоаси анчадан буён мавжуд. Ўтган йилнинг декабрь ойида Кута пляжига маҳаллий ҳукумат чиқиндилар уюми учун сайёҳлардан узр сўраган ҳолда пешлавҳа ўрнатиб қўйганди. Ўша вақтда Кута ҳамда унинг яқинидаги пляжларда кунига 50 тоннагача ноорганик чиқиндилар пайдо бўлган. Уларни Ява оролидан мавсумий шамоллар олиб келган. Балидаги экологик ташкилотлар эса кунига 5 тоннадан ортиқ чиқиндини йиғиштириб олишгагина қодир.
Изоҳ (0)