Ўзбекистон Президенти Шавкат Мирзиёев Хмеймим аэродромида Ан-26 ҳарбий-транспорт самолёти қулаши оқибатида кўплаб инсонлар ҳалок бўлгани муносабати билан Россия президенти Владимир Путинга ҳамдардлик мактуби йўллади. Бу ҳақда Президент матбуот хизмати хабар бермоқда.
Шавкат Мирзиёев марҳумларнинг оила аъзолари ва яқинларига чуқур таъзия изҳор этди.
Эслатиб ўтамиз, Россия мудофаа вазирлигининг Ан-26 транспорт самолёти 6 март куни Сурияда ҳалокатга учради. Самолёт бортида 39 киши — 33 нафар ҳарбий ва 6 нафар экипаж аъзоси бўлган. Уларнинг барчаси ҳалок бўлди.
Изоҳ (0)