Twitter’даги LlabTooFer никли фойдаланувчи HTC компаниясининг Imagine номи остида яратилган янги флагманини асосий техник тавсифлари билан бўлишди. Унинг маълум қилишича, смартфон апрель ойида тақдим этилади, деб хабар берди Hi-Tech.Mail.Ru.
Янги смартфон кўп жиҳатдан ўзидан олдинги HTC U11+’га ўхшаб кетади. Унга томонлари нисбати 18:9 бўлган 6 дюймли дисплей, шунингдек, бармоқ изи сканери функцияси ёки Face ID функцияси ўрнатилиши мумкин.
HTC иккиталик модулга эга камерани смартфонга One М8 ёрдамида биринчи бўлиб 2014 йилда жойлаштиришга ҳаракат қилган, бироқ бу каби ечим 2016 йилга келибгина оммалашган. U12 флагмани билан бирга HTC компанияси 12 ва 16 мегапикселли камерани битта модулга жойлаштириш қарорига қайтади.
Шу билан бирга U12’нинг ён томонига Edge Sense 2.0 «сезувчан» қурилмаси ўрнатилади — смартфонни қаттиқ қисиб камерани ёки бошқа дастурларни ишга тушириш мумкин бўлади.
HTC U12’нинг техник тавсифи:
- Дисплей: 2880х1440 нуқтага эга 5,99 дюйми Супер LCD;
- Процессор: Snapdragon 845;
- Хотира: тезкор хотираси 6 гигабайтгача, ички хотираси эса 256 гигабайтгача;
- Камера: 12+16 мегапикселли асосий камера ва 8 мегапикселли фронтал камера;
- Аккумулятор: 3420 мА/соат;
- Операцион тизими: Android 8.0 Oreo
Изоҳ (0)