Самарқанд шаҳрида 1 март куни соат 14:50 ларда Жаркент кўчасида яшовчи, хўжалик моллари дўкони сотувчиси, 1981 йилда туғилган З.Муқимов дўкон ертўласида электр чироғини ёққан вақтида газ қувуридан сизиб чиқиб хонага тўпланган газ ва ҳаво аралашмасидан чақнаш содир бўлган. Бу ҳақда Ўзбекистон Республикаси ИИВ матбуот хизмати хабар бермоқда.
Ёнғин оқибатида З.Муқимов ва яна бир дўкон ишчиси, 1981 йилда туғилган Д.Норбоев куйиш жароҳатлари билан касалхонага ётқизилган. Суриштирув ишлари олиб борилмоқда.
Шунингдек, Сурхондарё вилоятининг Бойсун туманида 1 март куни соат 16:30 ларда Пасрухи маҳалласида яшовчи, 1952 йилда туғилган П. Абдуллаев уйи ошхонасида газ баллонига уланган шлангдан сизиб чиқиб, хонага йиғилиб қолган газ ва ҳаво аралашмасидан чақнаш содир бўлган. Натижада П.Абдуллаев, бирга яшовчи турмуш ўртоғи С.Шоимова ва келини Ф.Мажидова куйиш жароҳатлари олиб касалхонага ётқизилган. Суриштирув ишлари олиб борилмоқда.
Изоҳ (0)