Бунга қадар Huawei P20 флагмани ҳақида тарқалган хабарларда янги қурилма учта асосий камерага эга бўлиши ҳақида айтилганди. Бироқ Android Authority маълумотларига кўра, флагмандан иккита асосий камера ўрин олади, деб хабар берди Hi-Tech.Mail.Ru.
Шунга қарамай Huawei P20 Смартфоннинг конструкциясида ноодатий ечим мавжуд — унга овознинг паст-баландлигини созлашга мўлжалланган тугма ўрнатилмайди. Қурилманинг ўнг томон корпусида 8 та индикатор нуқталар ўрнатилган. Тахминларга кўра, овозни ушбу нуқталар жойлашган жойга бармоқни теккизиш орқали созлаш мумкин бўлади.
Умуман олганда янги флагманнинг дизайни ўзидан олдинги аждодиникидан фарқ қилади. Янги модель корпусининг орқа томони ойнадан ишланган, бироқ камераларнинг жойлашиш тартиби ўзгармаган. Олд томонининг ҳошияси эса сезиларли даражада ингичкалашган, аммо корпусда бармоқ изи сканерини кўришнинг иложи йўқ. Бунинг ўрнига компания Face ID’дан фойдаланган ҳам бўлиши мумкин.
Смартфоннинг пастки қисмида иккита панжара жойлашган бўлиб, бу стерео карнайлар ўрни ҳисобланади.
Изоҳ (0)