Япония мудофаа вазири Ицунори Онодэра Ғарб мамлакатлари Россияга қарши санкциялар жорий қилгач, россиялик ҳарбийларнинг фаолияти кучайганини маълум қилди, деб ёзади «Газета.ru».
«Россиялик ҳарбийлар орасида турли нуқтаи назарлар мавжуд, деб ўйлайман, аммо ҳа, шундай таассурот уйғонадики, гўё бундай фаолият дунё ҳамжамияти Украина ва Қрим ярим ороли туфайли Россияга қарши санкциялар киритганидан кейин ва Япония дунё ҳамжамияти таркибида ушбу санкцияларга қўшилганидан буён кучайгандек», — деди Онодэра.
Вазирнинг хавотири Россиянинг иккита Ту-95МС стратегик ракета ташувчи самолётларининг Япон ва Шарқий Хитой денгизлари устида амалга оширган ҳаво соқчилиги билан боғлиқдир. Патруллик фаолияти 21 февралда амалга оширилган.
Вазир мамлакатда доимо қўшни давлатлар, «айниқса, Хитой ва Россия»ни эсда тутиш кераклигини таъкидлади.
Изоҳ (0)