Шарқий Гутадаги илк гуманитар танаффус жангарилар томонидан йўққа чиқарилди. Бу ҳақда Россиянинг Суриядаги можаро томонларини яраштириш маркази вакили генерал-майор Владимир Золотухин маълум қилди, деб хабар беради «РИА Новости».
Тинч аҳоли вакилларидан ҳеч бири ҳудудни тарк этишга муваффақ бўлмади. Сурия қуролли кучлари сулҳга риоя этмоқда ва жангарилар фитнасига берилаётгани йўқ.
«Вазият мураккаб, ўққа тутиш давом этмоқда. Автобуслар ва тез тиббий ёрдам машиналари турибди, бироқ ҳеч ким чиқарилгани йўқ. Жангариларнинг хуружлари 5 соат давом этди, уларнинг оралиғи 30 дақиқадан иборат бўлди», — деди Золотухин.
Изоҳ (0)