Бостондаги аукционда Стив Жобс томонидан 1973 йилда ишга қабул қилиш тўғрисида ёзган аризаси сотувга қўйилади. Бу ҳақда The Guardian нашрига таяниб, «Корреспондент.net» хабар берди.
Маълум қилинишича, Apple асосчиси мазкур ҳужжатни 18 ёшида тўлдирган. Резюмеда Жобс қайси лавозимга номзодлик қилгани кўрсатилмаган. У ҳужжатга ўзининг ҳайдовчилик гувоҳномаси борлигини, бироқ телефони йўқлигини қайд этган.
Ҳужжат матнида бир нечта грамматик ва пунктуацион хатолари мавжуд. Масалан, Жобс ўзининг фамилиясини кичик ҳарфлар билан ёзган.
Шунингдек, аукционда Mac OS X операцион тизимининг техник қўлланмаси ва Жобснинг «Янги iPhone 199 доллардан сотилади» сарлавҳали мақоласи (унда марҳумнинг дастхати ҳам бор) чиққан газета ҳам сотувга қўйилади.
Изоҳ (0)