Чеченистон раҳбари Рамзан Қодиров 1944 йилда чечен ва ингуши халқининг депортация қилинганини ёдга олди ва Иосиф Сталинни золим деб атади. Бу ҳақда «РИА Новости» хабар қилди.
Сиёсатчининг таъкидлашича, чечен халқи бошидан ўтказган кўплаб қайғули ҳодисалар ва урушларга қарамасдан, Сталин бу халқни ватанидан маҳрум қилиб, унга энг катта зарарни келтирган.
Қодировнинг қайд этишича, бу репрессиялар вақтида кўплаб одамлар очлик ва касалликдан вафот этган, бошқалари эса чин эътиқод туфайли яшаб қолган.
Сталиннинг буйруғига биноан, 1944 йилнинг 23 февралида чечен ва ингуши халқлари Ўрта Осия ва Сибирга сургун қилинган, Чечен-Ингушия автономияси эса тугатилган. Икки халқ сургунда 13 йилни ўтказган ва 1957 йил 9 январда Хрушевнинг фармони билан уларнинг автономияси қайта тиклангач, уйларига қайта бошлаган, «махсус кўчирилганлар»нинг кўчишига қўйилган тақиқ эса олиб ташланган.
Изоҳ (0)