Наманган вилоят Фавқулодда вазиятлар бошқармаси навбатчи-диспетчерлик хизматига қўнғироқ қилган фуқаро Наманган шаҳридаги Мураббий кўчасида қудуқ ичида одам ётгани ҳақида маълум қилди. Бу ҳақда «Дарё»га вилоят ФВБ ахборот-таҳлил хизмати хабар берди.
Бошқарма бўйича масъул навбатчи майор Д.Соттиқулов бошчилигида 4 нафар қутқарувчи белгиланган манзилга етиб борди.
Воқеа жойидаги вазият ўрганилганда кўчада қурилиш ишлари олиб борилаётганлиги, қудуқ ичида чиндан ҳам номаълум шахс борлиги маълум бўлди.
Олиб борилган тезкор ҳаракатлар натижасида маст ҳолатда бу ерга тушиб кетган фуқаро чиқариб олинди.
Унга биринчи ёрдам кўрсатилиб, оила аъзоларига топширилди.
Изоҳ (0)