Ҳиндистонда жарроҳлар эркак кишининг 1,8 кг оғирликдаги мия шишини олиб ташлади, деб ёзади «Газета.ru» маҳаллий ОАВларга таяниб.
Шиш 31 ёшли Сантал Палда уч йил аввал пайдо бўлган ва жуда тез ўсиб борган. Бунгача эркак учта касалхонага мурожаат қилган, аммо шифокорларнинг ҳеч бири операция ўтказишга рози бўлмаган. Шиш туфайли у кўриш қобилиятидан ажралган, аммо шифокорлар у энди яна кўра бошлашига умид қилмоқда. Жарроҳлик аралашувисиз шиш тўлиқ фалажликка ва мия шикастланишига олиб келган бўларди.
«Соғайиш — вақтга боғлиқ масала, аммо беморга энди ҳеч нарса хавф солмаяпти, — дейди нейрожарроҳ Тримурти Надкарни. — Бундай тиббий ҳодисалар ўта муҳим».
Шифокорлар қайд этишича, бу шиш дунёдаги энг йириги бўлган бўлиши мумкин. Олти соатлик операция 14 февраль куни Мумбайдаги касалхонада бўлиб ўтган эди, аммо шифокорлар у муваффақиятли кечганига ишонч ҳосил қилмасдан олдин у ҳақда хабар беришдан чўчиган.
Изоҳ (0)