Аргентиналик ҳаваскор астроном Виктор Бузо тарихда биринчи марта супернованинг туғилиш вақтини суратга туширишга муваффақ бўлди, деб ёзади «Коммерсантъ». Чақнашни Виктор Бузо тасодифан — телескоп учун янги камерани синаш чоғида кадрга муҳрлаган.
2016 йилнинг сентябрида ҳаваскор астроном Ердан 80 миллион ёруғлик йили масофасида жойлашган Ҳайкалтарош юлдузлар туркумидаги NGC 613 спирал галактикасини кетма-кет бир неча марта суратга олган. Кейинроқ фотосуратлардан бирида аргентиналик чақнашни пайқаган ва профессионалларга мурожаат қилган.
Супернованинг чақнашини олдиндан билиб бўлмаганлиги туфайли, олимлар у ҳақда бир неча кун, ой ёки йилга фарқланадиган осмон ҳудудлари суратларини таққослаш чоғида билиб қолади.
Супернова — юлдузнинг ҳаёти сўнгида портлаши жараёни. Портлаш чоғида катта миқдорда энергия ажралиб чиқади, ёруғлик даражаси эса миллиардлаб марта ошиб кетади.
Изоҳ (0)