Уйни тозалашда доимий равишда тозаловчи воситалардан фойдаланиш ўпка ишининг бузилиш хавфини юзага келтиради. Бу ҳақда Берген университети олимлари маълум қилди, деб ёзмоқда «РИА Новости».
Олимлар 20 йил давомида 6236 кишининг нафас олиш тизимини кузатган. Маълум бўлишича, хўжаликда қўлланиладиган кимёвий воситалардан фойдаланувчи уй бекалари ва уй тозаловчиларнинг нафас олиш ҳажми мос равишда 4,3 ва 7,1 миллиметрга қисқарган. Бу 20 йил давомида сигарет чеккан кишининг кўрсаткичларига тенг.
Астма билан оғриш хавфи эса уй бекаларида 12,3 фоизга, бу фаолият билан касб сифатида шуғулланувчиларда эса 13,7 фоизга ўсган.
Олимларнинг таъкидлашича, сезилмасдек туюлган зарар кун сайин, йил сайин йиғилиб, якунда ўнглаб бўлмас зарар етказади.
Изоҳ (0)