АҚШ президенти Дональд Трамп мактаб ўқитувчиларига ҳимоя учун яширин равишда қурол олиб юришга рухсат беришни таклиф қилди. Бу ҳақда «РИА Новости» хабар бермоқда.
«Ўқитувчилар махсус тайёргарликдан ўтиши ва ўзи билан яширин равишда қурол олиб юриши ўринли бўларди. Шунингдек, қуролдан холи ҳудудлар ҳам бўлмаслиги керак», — деди Трамп Флоридадаги 17 киши ҳалок бўлган мактаб вакиллари ҳам қатнашган ўқитувчилар ва ўқувчилар билан учрашуви чоғида.
Давлат раҳбарига кўра, жиноятчилар, уларга ҳеч ким жавоб ўқини узмаслигини билиб, айнан шундай ҳудудларда жиноят содир этишга уринмоқда.
Трамп мактабларга қўриқчи сифатида қурол билан муомала қилишни биладиган собиқ ҳарбийларни ишга олишни таклиф этди. Мамлакатда қурол сотиб олиш чоғидаги текширув жараёни кучайтирилишини ваъда қилди.
Изоҳ (0)