КХДР Корея Республикасини эгаллаб олиш учун ядро қуролини ишлаб чиқмоқда. Бу ҳақда АҚШнинг БМТдаги собиқ доимий вакили Жон Болтон айтиб ўтди, деб ёзади «ТАСС».
«Шимолий Корея ядро дастурини фақат ўз-ўзини мудофаа қилиш учун ривожлантираётгани йўқ. Улар ҳамон Корея ярим оролини ўз назорати остида бирлаштиришни истаяпти», — деди Болтон.
Собиқ доимий вакил фикрича, ихтиёрида АҚШнинг қитъа қисмига етиб боришга қодир ядровий жанговар каллаклар бўлгани ҳолда, КХДР жазосиз тарзда Корея Республикасига бостириб киришни бошлаши мумкин, чунки ушбу ҳолатда у Америка томонидан қарши ҳужумдан хавфсирамайди.
Хавфсизлик соҳасидаги эксперт Ким Ён Сик аниқлик киритишича, Пхеньян томонидан жанговар ҳаракатлар бошланган тақдирда, АҚШ раҳбарияти ўз иттифоқдошини қўллаб-қувватлаш ва Вашингтонга ёки бошқа йирик шаҳарларга ядро зарбасини олиш имконияти ўртасида танловни амалга ошириши керак бўлади. «Танлов Сеулнинг фойдасига бўлишига ишончим комил эмас», — деди у.
Изоҳ (0)