Ўзбекистон Ёзувчилар уюшмаси томонидан ўзбек адабиётининг атоқли намояндаларидан бири Одил Ёқубов хотирасига бағишланган маънавий-маърифий тадбир ўтказилди. Бу ҳақда ЎзА хабар бермоқда.
Уюшма раиси М. Аҳмедов, Ўзбекистон санъат арбоби И. Ғофуров, адабиётшунос олимлар У. Норматов, Н. Каримов ва бошқалар адиб ҳаёти ва ижоди, унинг феъл-атвори, шогирдларига муносабати ҳақида сўзлаб берди.
Одил Ёқубов ҳаёти давомида турли масъулиятли лавозимларда ишлаб, етук шогирдлар етиштирди. Унинг асарларини ўқувчилар севиб ўқийди. Саҳнага қўйилган комедиялари ўз мухлисларига эга.
Адабиётга кириб келаётган ёш ижодкорлар учун ушбу тадбир ўзига хос ижодий кечага айланиб кетди.
Тадбирда бугунги кунда китоб мутолааси, китобхонлик маданияти, ёш ижодкорлар учун яратилаётган кенг имкониятлар, адабиётдаги ўзгаришлар ва унинг равнақи хусусида фикр-мулоҳазалар билдирилди.
Изоҳ (0)