2017 йил 4 февраль куни Тошкент вилояти Қибрай туманида яшовчи 25 ёшли Нигора Акрамованинг бошига мусибат тушди. У ўша куни эҳтиётсизлик оқибатида куйиш жароҳатини олди.
«Ўша куни ошхонани йиғиштираётган эдим. Тасодифан оёғим сирпаниб, устимга газ плитада қайнаб турган 5 литр сув тўкилиб кетди. Онам ўша куни шифохонада оғир аҳволда эди. Юз берган ҳодисадан қаттиқ қўрқиб кетган эдим. Азойи баданим ачишиб, оғриқ тобора зўрайиб борар эди. Қўшнилар тез ёрдам чақирди. Шу тариқа мени 16-шифохонага олиб кетишди. Етти кун давомида шошилинч бўлимда оғир аҳволда ётдим. Менга 35—40 фоизлик оғир куйиш даражаси ва юрак пороги ташхиси қўйилди. Шундан сўнг мунтазам кузатув бўлимида даволанишни давом эттирдим. Шу пайтгача 17 марта умумий наркоз олишимга тўғри келди. Ҳозирда тўшакка михланиб қолганман. Бундан ташқари, менда полиартрит касаллигини ҳам аниқлашди. Қўлларим ва оёқларим қийшайиб кетмоқда.
Онам 2-гуруҳ ногирони. Улар ҳам тез-тез шифохонада даволаниши керак. Онам бир кун уйда бўлса, беш кун касалхонада. Шунинг учун моддий аҳволимиз оғир», — дейди Нигора Акрамова.
Нигоранинг онаси 2-гуруҳ ногирони бўлишига қарамай, 9 ой мобайнида уни жуда кўп шифокорлар кўригига олиб борди. Шифокорларнинг сўзларига кўра, Нигора ҳозирда пластик оператив давога муҳтож. Операция, дори-дармонлар ва муолажалар учун катта маблағ талаб этилади.
Саховатпеша инсонлардан Нигоранинг соғайиб кетишида имкон қадар ҳисса қўшишни сўраймиз!
Хайрия қилмоқчи бўлганлар учун керакли маълумотлар:Пластик карта орқали:(Click, Payme) Акромова Нигора.
Халқбанк: 8600-0604-8112-3892.
Савдогарбанк: 8600-0804-7968-9662
Мурожаат учун телефон рақамлари: +998974319883.
Изоҳ (0)