Флорида штати губернатори Рик Скотт Федерал қидирув бюроси (ФҚБ) директори Кристофер Рей истеъфосини талаб қилди. Бу ҳақда губернаторнинг матбуот хизмати маълум қилди, дея хабар беради «ТАСС».
ФҚБ ходимлари олдинроқ Паркленд шаҳридаги мактабда 17 кишининг умрига зомин бўлган Николас Круз жамият учун хавфли эканлиги ҳақидаги огоҳлантиришга эътибор бермаганини тан олганди.
Маълум бўлишича, жорий йил 5 январида бюрога номаълум шахс қўнғироқ қилади ва Круз ижтимоий тармоқларда кишини хавотирга солувчи ёзувлар қолдираётгани, мактабда отишма уюштириши мумкинлиги ҳақида хабар беради.
«Қотилга қарши ФҚБ чора кўришни уддалай олмаганига чидаб бўлмайди. Хатонинг тан олингани муаммонинг ечими эмас. ФҚБ директори истеъфо бериши лозим», — деди губернатор.
Изоҳ (0)