Ўзбекистон ва Греция қишлоқ хўжалиги соҳасида ўзаро ҳамкорлик қилишга келишиб олди

Ўзбекистоннинг саккизта компанияси Грециянинг Салоники шаҳрида бўлиб ўтган AGROTICA— 2018 қишлоқ хўжалиги техникаси ва маҳсулотлари кўргазмасида иштирок этди, деб хабар берди «Kommersant.uz».

Ўзбекистон делегациясига Савдо-саноат палатасининг биринчи ўринбосари раҳбарлик қилмоқда.

Қишлоқ хўжалиги соҳасидаги Ўзбекистон вакиллари грек компаниялари билан B2B учрашувини ўтказди. Шунингдек, Грециянинг етакчи агросаноат бирлашмалари ва уларнинг раҳбарлари билан ҳамкорлик истиқболлари муҳокама қилинди.

Бундан ташқари, делегация ташрифи доирасида Салоникадаги Савдо-саноат палатасида, Конгресслар ва маданий тадбирлар, кўргазмларни ташкиллаштириш Миллий институтида (HELEXPO), қишлоқ хўжалиги техникаси, ўғитлар, иссиқхона комплекслари уюшмалари ўртасида музокаралар бўлиб ўтди.

Музокаралар якунида томонлар  агросаноат комплекси учун илғор инновацион технологиялардан фойдаланган ҳолда қишлоқ хўжалиги соҳасидаги қўшма лойиҳаларни амалга оширишга келишиб олдилар.