O‘zbekistonning sakkizta kompaniyasi Gretsiyaning Saloniki shahrida bo‘lib o‘tgan AGROTICA — 2018 qishloq xo‘jaligi texnikasi va mahsulotlari ko‘rgazmasida ishtirok etdi, deb xabar berdi “Kommersant.uz”.
O‘zbekiston delegatsiyasiga Savdo-sanoat palatasining birinchi o‘rinbosari rahbarlik qilmoqda.
Qishloq xo‘jaligi sohasidagi O‘zbekiston vakillari grek kompaniyalari bilan B2B uchrashuvini o‘tkazdi. Shuningdek, Gretsiyaning yetakchi agrosanoat birlashmalari va ularning rahbarlari bilan hamkorlik istiqbollari muhokama qilindi.
Bundan tashqari, delegatsiya tashrifi doirasida Salonikadagi Savdo-sanoat palatasida, Kongresslar va madaniy tadbirlar, ko‘rgazmlarni tashkillashtirish Milliy institutida (HELEXPO), qishloq xo‘jaligi texnikasi, o‘g‘itlar, issiqxona komplekslari uyushmalari o‘rtasida muzokaralar bo‘lib o‘tdi.
Muzokaralar yakunida tomonlar agrosanoat kompleksi uchun ilg‘or innovatsion texnologiyalardan foydalangan holda qishloq xo‘jaligi sohasidagi qo‘shma loyihalarni amalga oshirishga kelishib oldilar.
Izoh (0)