Германия полицияси Дортмундда икки ҳафта давомида ҳар куни маҳаллий адвокат Гайдо Гроллега пицца буюртма қилган номаълум киши юзасидан тергов бошлади. Бу ҳақда TJournal хабар берди.
Гролле ким унга пицца буюртма қилиши мумкинлигини билмайди. У 100 дан ортиқ пицца олган. Баъзи пицачилар унга қўнғироқ қилиб, буюртмани аниқлаштирган, баъзилари эса унинг телефонига хабар юборган.
Бир кунда ярим соат ичида 15 та буюртма қилинган. Баъзан адвокатга суши, сосиска ва грекча овқатлар юборилган. Адвокат ўз почтасига зарур фильтр ўрнатган, ўз телефон рақамини яширган ва полицияга мурожаат қилган.
Полиция жиноий иш қўзгаган, унга кўра бузғунчи уч йилгача озодликдан маҳрум қилиниши мумкин.
Изоҳ (0)