Олимларнинг ҳисоблашича, Илон Маскнинг автомобили Ерга қайтиши ва олти фоиз эҳтимол билан яқин миллион йил ичида унинг сатҳига қулаши мумкин. Бу ҳақда «РИА Новости» хабар берди.
Торонта университети олими Анно Рейннинг маълум қилишича, машинанинг ҳаракатини баҳолаш учун дастурий таъминот аллақчон тайёрланган эди ва парвоз муваффақиятли ўтганидан кейин яқин миллион йил ичида Tesla’га нима бўлишини текширишга қарор қилинган. Унинг сўзларига кўра, агар машина Ерга қуласа ҳам, сайёра аҳолиси ва Илон Маскнинг хавотирига асос йўқ, чунки у атмосферада бутунлай ёниб кетади ёки унинг қисмларидан биригина сайёра сатҳига тушиши мумкин.
Рейн ва унинг ҳамкасблари томонидан аниқланишича, Tesla спорткарининг траекторияси уни Ер атрофида айланувчи ҳамда Марс, Ер ва Венера орбиталарида парвоз қилувчи ва даврий равишда сайёрага яқинлашувчи астероидга айлантирган.
Олимлар томонидан ўтказилган ҳисоб-китоблар биринчи космик машинанинг Ерга қайтиш эҳтимоли олти фоиз эканлигини, шунингдек, унинг Венерага қулаш эҳтимоли 2,5 фоиз эканлигини кўрсатган.
Ҳисоб-китобларнинг кўрсатишича, машина қандайдир объектга урилишидан ёки сайёралар атмосферасида ёниб кетишдан олдин тахминан 10 миллион йилни космосда ўтказади. Биринчи бундай эҳтимол 2091 йилда, автомобиль Ерга Ойдан кўра яқинроқ масофада яқинлашганида юзага келиши мумкин.
Изоҳ (0)