Olimlarning hisoblashicha, Ilon Maskning avtomobili Yerga qaytishi va olti foiz ehtimol bilan yaqin million yil ichida uning sathiga qulashi mumkin. Bu haqda “RIA Novosti” xabar berdi.
Toronta universiteti olimi Anno Reynning ma’lum qilishicha, mashinaning harakatini baholash uchun dasturiy ta’minot allaqchon tayyorlangan edi va parvoz muvaffaqiyatli o‘tganidan keyin yaqin million yil ichida Tesla’ga nima bo‘lishini tekshirishga qaror qilingan. Uning so‘zlariga ko‘ra, agar mashina Yerga qulasa ham, sayyora aholisi va Ilon Maskning xavotiriga asos yo‘q, chunki u atmosferada butunlay yonib ketadi yoki uning qismlaridan birigina sayyora sathiga tushishi mumkin.
Reyn va uning hamkasblari tomonidan aniqlanishicha, Tesla sportkarining trayektoriyasi uni Yer atrofida aylanuvchi hamda Mars, Yer va Venera orbitalarida parvoz qiluvchi va davriy ravishda sayyoraga yaqinlashuvchi asteroidga aylantirgan.
Olimlar tomonidan o‘tkazilgan hisob-kitoblar birinchi kosmik mashinaning Yerga qaytish ehtimoli olti foiz ekanligini, shuningdek, uning Veneraga qulash ehtimoli 2,5 foiz ekanligini ko‘rsatgan.
Hisob-kitoblarning ko‘rsatishicha, mashina qandaydir obyektga urilishidan yoki sayyoralar atmosferasida yonib ketishdan oldin taxminan 10 million yilni kosmosda o‘tkazadi. Birinchi bunday ehtimol 2091-yilda, avtomobil Yerga Oydan ko‘ra yaqinroq masofada yaqinlashganida yuzaga kelishi mumkin.
Izoh (0)