Режиссёр Жаҳонгир Аҳмедовнинг «Асал ойи» фильмининг премьераси 17 февраль куни бўлиб ўтиши режалаштирилган. Журналист Феруз Муҳаммад фильмнинг сўнгги фотоссесия жараёнида иштирок этди.
Актриса Шаҳзода Муҳаммедова фильм ҳақида, «Асал ойи» туфайли ушалган орзуси ҳамда сериалларга бўлаётган таклифларни нима сабабдан рад қилаётгани ҳақида журналист Феруз Муҳаммадга гапириб берди.
«Асал ойи» фильмнинг фотосессия жараёнларига етиб келишимиз жуда ҳам қийин бўлди. Ҳар доим фильм учун фотосессия жараёнлари бошланса, биламанки, фильмнинг премьерасига оз вақт қолган бўлади. Бу фильм жуда ҳам эсда қоларли ва ҳар байрам вақтларида севиб томоша қилинадиган фильм бўлган деб ўйлайман.Ушбу фильм бошқа ҳар қандай фильмлардан кастумлари ҳамда Мисрда бўлиб ўтган, ниҳоятда қизиқарли суратга олиш жараёни билан ажралиб турди деб ўйлайман. Мисрга бориш орзуим эди, нимагадир бу орзуим ушалмаса керак деб ўйлардим, мана «Асал ойи» фильми орқали ушбу орзуим ҳам ушалди.
Охирги вақтларда кўплаб сериаллардан таклифлар тушмоқда. Аммо уларни рад қилишга мажбур бўляпман. Сериалларнинг сценарийсини ўқиб чиқишнинг ўзи қанча вақтни олади, унда суратга тушиш ундан ҳам кўпроқ вақт, имконият талаб қилади. Актрисалик, дизайнерлик ҳамда телебошловчилик фаолиятимни бирдан олиб борганим учун, сериалларда суратга тушишга вақт топа олмаяпман.
Партнёр бу актрисага далда бўладиган инсон. Мен партнёрим билан нима бўлганда ҳам хушмуомила бўлишга ва яхши роль ижро этишга ҳаракат қиламан.
Шаҳзода Муҳаммедова, актриса
Изоҳ (0)