14 февралнинг эътиборга молик янгиликлари — «Дарё»нинг кечки дайжестида.
1. Мактабгача таълим тизимини ривожлантиришга қаратилган ислоҳотлар натижадорлиги таҳлил қилинди. Президент Шавкат Мирзиёев Жанубий Кореянинг Пучон университети билан ҳамкорликда Тошкент шаҳрида Мактабгача таълим университетини ташкил этиш зарурлигини таъкидлади.
2. Ўзбекистонда илк бор жигар бўлагини кўчириб ўтказиш операцияси бажарилди. Жигар сиррозидан азият чекаётган 26 ёшли паркентлик Убайдулла Дадахўжаевга унинг акаси Ҳаёт Дадахўжаевнинг донорлигида жигар бўлаги трансплантацияси қилинди.
3. Каттақўрғондаги пахта заводида портлаш рўй берди. 2 киши ҳалок бўлди. Портлаш табиий газ сизиб чиқиши оқибатида юз бергани айтилмоқда.
4. 55 нафар Ўзбекистон фуқароси ўтирган автобус Қозоғистоннинг Павлодар вилоятида қутқариб қолинди. Россия чегарасига етиб олган йўловчиларни белгиланган манзил томон русларнинг автобуси олиб кетган.
5. Тошкент шаҳрида чақалоқни бегоналарга топшириб, ўзи ғойиб бўлган аёл қидирилмоқда. Воқеа 12 февраль куни юз берган.
Изоҳ (0)