Қозоғистоннинг Олмаота шаҳрида 2018 йилнинг биринчи ойида 224 та чиройли автомобиль рақамлари 70 миллион тенгега сотилди, деб хабар беради Kazakhstan Today.
Маъмурий полиция бошқармаси маълумотларига кўра, январь ойида шаҳарликларга 69 миллион 783 минг 480 тенге эвазига 244 та чиройли рақам тарқатилган. 2017 йилнинг январь ойида полиция бўлинмалари томонидан 101 минг 430 тенгега 91 та автомобиль рақами сотилган эди.
«Бугунги кунда Олмаотада чиройли автомобиль рақамлари учун аризалар полиция бўлинмалари томонидан қабул қилинмоқда. Шундан сўнг аризалар маъмурий полиция қўмитасига йўналтирилади. Рақам тайёр бўлгач, у автомобиль эгаси номига расмийлаштирилади», — дейилади хабарда.
Транспорт воситаси эгалари чиройли рақамлар учун энг кам ойлик иш ҳақининг 57 бараваридан 285 бараваригача давлат божи тўлайди.
Изоҳ (0)