Бухоро шаҳрида яшовчи 1999 йилда туғилган Акбар Норқулов ҳамда Қоракўл туманида яшовчи 1999 йилда туғилган Оғабек Чориевлар Бухоро вилояти ички ишлар бошқармасига ариза билан мурожаат қилди, деб хабар беради бошқарма матбуот хизмати.
Фуқаролар ўз мурожаатларида Бухоро шаҳридаги Олимпия захиралари коллежининг мураббийлари Собир ҳамда Ғолиб исмли шахслар жисмоний тарбия институтига ўзларининг танишлари орқали ўқишга киритиб қўйишни ваъда бериб, уларнинг ҳар биридан 4000 АҚШ долларидан жами 8000 АҚШ доллари миқдорида пул талаб қилганлигини, шу сабабли ушбу шахсларга нисбатан қонуний чора кўришни сўраган.
Бухоро вилояти ички ишлар бошқармаси коррупция ва иқтисодий жиноятларга қарши курашиш бўлими ҳамда прокуратура ҳузуридаги СВОЖЖДЛҚК департаменти ходимлари томонидан олиб борилган тезкор-тадбирлар давомида 1988 йилда Навоий вилояти Учқудуқ шаҳрида туғилган Бухоро шаҳар А.Жомий кўчасида яшовчи Бухоро олимпия захиралари коллежи мураббийси Собир Тошев ҳамда 1977 йилда туғилган шу шаҳарда яшовчи олимпия захиралари коллежи мураббийси Ғолиб Казаковлар Ўзбекистон давлат жисмоний тарбия институтига ўқишга кириш истагида бўлган фуқаролар О.Чориев ва А.Норқуловларнинг ҳар биридан 4000 АҚШ долларидан жами 8000 АҚШ долларини олаётган вақтларида жиноят устида қўлга олинди.
Мазкур ҳолат юзасидан Бухоро вилояти ИИБ тергов бошқармаси томонидан дастлабки тергов ҳаракатлари олиб борилмоқда.
Изоҳ (0)