Янги ташкил этилаётган футбол бўйича Ўзбекистон Супер Лигасида ғолиб чиққан клуб 1 миллиард сўм миқдорида мукофот пули олади. Бу ҳақда ЎФА матбуот хизмати хабар берди.
Супер Лига форматига кўра, 1-босқичдан кейин дастлабки 6 ўринни эгаллаган клублар чемпионлик учун алоҳида кураш олиб боради. Мана шу олтиликка киришга стимул бўлиши учун ПФЛ ҳатто 6-ўрин эгасига ҳам пул мукофоти беришини маълум қилди.
Супер Лига мукофотлари
- 1-ўрин — 1 миллиард сўм
- 2-ўрин — 800 миллион сўм
- 3-ўрин — 700 миллион сўм
- 4-ўрин — 600 миллион сўм
- 5-ўрин — 500 миллион сўм
- 6-ўрин — 400 миллион сўм
Шу тариқа ПФЛ Про-Лиганинг дастлабки уч ўрнини қўлга киритган клубларга ҳам мукофот пуллари беришга қарор қилди. Унга кўра, Супер Лигага йўл олган клуб автоматик равишда 300 миллион сўмни қўлга киритади. Плей-офф иштирокчилари бўлган жамоалар эса мос равишда 200 ва 100 миллион сўмдан олади.
Ўзбекистон Профессионал футбол лигаси тарихда илк бор аёллар клублари ва футзал клубларини ҳам моддий рағбатлантиришга ваъда берди. Ҳар икки минтақада мукофот пуллари дастлабки уч ўрин эгаларига берилади ва улар Про-Лига мукофотлари билан бир ҳил кўринишда.
Про-Лига, футзал ва аёллар футболи
- 1-ўрин — 300 миллион сўм
- 2-ўрин — 200 миллион сўм
- 3-ўрин — 100 миллион сўм
Шу тариқа мукофотларнинг жами суммаси 5 миллиард 800 миллион сўмни ташкил қилди.
Изоҳ (0)