«Лукойл» Қандим газни қайта ишлаш заводининг иккинчи навбатини белгиланган муддатидан 4 ой аввал, 2018 йил апрелида фойдаланишга топширишни режалаштирмоқда. Бу ҳақда «Neftegaz.ru» хабар берди.
Тошкентда Ўзбекистон бош вазирининг ўринбосари, «Ўзбекнефтегаз» АЖ бошқаруви раиси Алишер Султонов «Лукойл» вице-президенти Сергей Никифоров билан учрашди. Унда заводни ишга тушириш маросими муддатлари, табиий газ экспорти бўйича ҳисоб-китоблар, Бухорода «Лукойл» директорлар кенгашини ўтказиш ва бу билан боғлиқ компания президенти Вагит Алекперовнинг Ўзбекистонга ташрифи масалалари муҳокама қилинди.
Қуввати 8,1 миллиард куб метр газ бўлган Қандим заводининг қурилиши 2016 йил апрелида бошланган. Унинг 3,3 миллиард доллар инвестиция киритилган биринчи навбати қурилиши ҳам режадагидан 5 ой олдин, 2017 йил ноябрида ишга туширилганди.
Изоҳ (0)