“Lukoyl” Qandim gazni qayta ishlash zavodining ikkinchi navbatini belgilangan muddatidan 4 oy avval, 2018-yil aprelida foydalanishga topshirishni rejalashtirmoqda. Bu haqda “Neftegaz.ru” xabar berdi.
Toshkentda O‘zbekiston bosh vazirining o‘rinbosari, “O‘zbekneftegaz” AJ boshqaruvi raisi Alisher Sultonov “Lukoyl” vitse-prezidenti Sergey Nikiforov bilan uchrashdi. Unda zavodni ishga tushirish marosimi muddatlari, tabiiy gaz eksporti bo‘yicha hisob-kitoblar, Buxoroda “Lukoyl” direktorlar kengashini o‘tkazish va bu bilan bog‘liq kompaniya prezidenti Vagit Alekperovning O‘zbekistonga tashrifi masalalari muhokama qilindi.
Quvvati 8,1 milliard kub metr gaz bo‘lgan Qandim zavodining qurilishi 2016-yil aprelida boshlangan. Uning 3,3 milliard dollar investitsiya kiritilgan birinchi navbati qurilishi ham rejadagidan 5 oy oldin, 2017-yil noyabrida ishga tushirilgandi.
Izoh (0)