Россия президентлигига номзод Ксения Собчак АҚШ президенти томонидан ўтказиладиган анъанавий ибодат нонуштасига қатнашди. У ўзининг мазкур тадбирдаги иштирокини изоҳлар экан, уни мутлақо бефойда ва маъносиз деб атади. Бу ҳақда «РБК» хабар бермоқда.
«Қизиқ бўлмаган, маъносиз нутқлар. Бу чиқишларда ҳеч қандай маъно йўқ. Одамлар ўтирибди, улар ҳатто бир-бири билан суҳбатлаша олмайди», — деди у ибодат нонуштаси ҳақида.
Собчакнинг таъкидлашича, унда кўп сонли сиёсатчилар иштирок этганлигига қарамасдан, тадбир мулоқот учун яхши майдончага айланмаган.
«Ҳеч нарса англатмайдиган расмий нутқларнинг чексиз оқими туфайли ҳеч ким бир-бири билан гаплаша олмайди», — дея аниқлик киритди у.
Изоҳ (0)