АҚШ вице-президенти Майк Пенс ва Америка президентининг қизи Иванка Трамп Пхёнчхандаги Олимпия ўйинлари чоғида Шимолий Корея етакчисининг синглиси Ким Ё Чжон билан учрашишни режалаштирмаяпти. Бу ҳақда Оқ уй маълум қилди, деб ёзади «Интерфакс».
«Ҳеч қанақа учрашув режалаштирилмаяпти», — деди Оқ уй матбуот котиби ўринбосари Раж Шайх журналистларнинг тегишли саволига жавобан.
КХДР делегацияси Корея Республикасига 9 февраль, жума кунининг иккинчи ярмида Пхеньяндан учиб келади. Унга КХДР Олий халқ йиғини (парламент) президиуми раиси Ким Ён Нам раҳбарлик қилади. Шимолий Корея Меҳнат партияси марказий қўмитаси тарғибот бўлими раҳбари ўринбосари лавозимида фаолият юритувчи Ким Ё Чжон 22 юқори мансабдор шахсдан иборат делегация таркибига киради. Шимолий Корея делегациясининг ташрифи уч кун давом этиши кутилмоқда.
Аввалроқ АҚШ вице-президенти Майкл Пенс 9 февраль куни КХДР расмий раҳбари Ким Ён Нам билан учрашиши мумкинлиги хабар берилган эди.
Изоҳ (0)