Туркия Қуролли Кучларининг Сурияда ўтказаётган «Зайтун новдаси» операцияси вақтида яна бир турк ҳарбийси ҳалок бўлди, деб хабар берди «ТАСС».
«Идлиб вилоятидаги олтинчи сонли кузатув пунктимизга террорчилар томонидан амалга оширилган ҳужум оқибатида биз бир сафдошимиздан айрилдик, беш нафар ҳарбий, жумладан, бир нафар фуқаро ҳам жароҳат олган. Ўқ узган тарафга қарата мавжуд барча воситалар орқали зарба берилди», — дейилади Қуролли Кучлар бош штабининг баёнотида.
Эслатиб ўтамиз, Туркия Қуролли Кучлари 20 январь куни Африндаги «Сурия демократик кучлари» қуролланган коалицияси таркибига кирувчи курд бўлинмаларига қарши «Зайтун новдаси» операциясини бошлаган. Операциялар бошланганидан буён 20 га яқин турк аскарлари ҳалок бўлди.
Изоҳ (0)