Ўзбекистондаги 2 та мактабда янги мактаб формасини синовдан ўтказиш бошланди. Бу ҳақда халқ таълими вазири Улуғбек Иноятовнинг сўзларига асосланиб, «Халқ сўзи» хабар бермоқда.
Маҳаллий дизайнерлар томонидан тайёрланган 30 хилдаги формаларидан бошланғич, ўрта ва юқори синф ўқувчиларга мўлжалланган 4 тадан тўпламлар танлаб олинди.
Қайд этилишича, ягона мактаб формасини жорий этиш бўйича синов пойтахтнинг 91-сонли ва Сирдарё вилоятининг 4-сонли мактабида ўтказилмоқда. Халқ таълими вазири маҳаллий дизайнерлар томонидан ишлаб чиқилган 30 хилдаги ўқувчилар формаларидан бошланғич, ўрта ва юқори синф ўқувчиларга мўлжалланган 4 тадан тўпламлар танлаб олинганлигини айтиб ўтди.
«Ҳозирда бу формалар ҳар хил мактабларда амалий синовдан ўтказилмоқда ва ота-оналар томонидан махсус назоратга олинган», — дейилади хабарда.
«Синовнинг шаффофлигини таъминлаш мақсадида бир нечта тўпламлар иккита ҳар хил мактабларда жорий этишга қарор қилдик. Кийимлар берилган ўқувчиларнинг ота-оналарига ҳар ҳафта махсус картага ўз эътирозларини ёзиб боришлиги сўралди. Ушбу форма болалар учун қанчалик қулайлиги ва чидамлигини билиб олишимиз зарур. Кир ювилгандан кейин кичраймайдими, матоси сифатлими, дазмоллангандан кейин қандай бўлиши ҳамда бошқа ҳолатларга ҳам ота-оналар алоҳида эътибор беришларини сўрадик», — дейди вазир.
Унинг сўзларига кўра, ўқув йили сўнгида ушбу синов якунланади. Амалга оширилган ишлар натижаси бўйича мутахассислар қайси форма янги ўқув йилидан мактабларга кенг жорий этилиши аниқланади.
Кам таъминланган оилалар учун мактаб формаси нархини бўлиб-бўлиб тўлаш имкони ҳам мавжуд бўлади. Улар 50 фоизини бошидан қолганини ўқув йили давомида тўлашлари мумкин бўлади.
Изоҳ (0)