Америкалик оила фарзандини ўлик деб топган шифокорлар билан тўрт йилдан буён судлашиб келмоқда, деб ёзади Meduza. Жахи Макмат исмли қизнинг қариндошлари у ҳали тирик эканлигига ишончи комил. «Мия ўлган» деган ташхисга қарамай, қизча ҳамон онасининг овозига реакция кўрсатади.
2013 йилнинг декабрида 13 ёшли Макматнинг аденоидини олиб ташлашган. Операцияни кундузи ўтказишган, тунга келиб эса қизчанинг юраги ишламай қолган. Уни ҳаётга қайтаришган, аммо мия ташқи қўзғатувчиларга реакция кўрсатмай қолган. Икки кундан кейин Окленддаги касалхона шифокорлари, маҳаллий қонунларга мувофиқ, Макматни ўлик деб эътироф этган.
Бироқ ота-онаси уни ҳаётни таъминлаш қурилмасидан ўчириб қўйишни тақиқлаган. Улар қизи ҳали тирик эканлигига ишонган. Ишга қонун ҳимоячилари аралашган, улар беморни бошқа штатга олиб ўтишга ёрдам берган. У ерда қизни сунъий равишда ҳаётни таъминлаш қурилмасига улаб қўйишган, у ҳамон ўша қурилмага уланиб турибди.
Ота-онасининг сўзларига кўра, қиз баъзан тана қисмларини ҳаракатлантириш билан бирга (буни «Лазар эффекти» билан изоҳлаш мумкин), мураккаброқ ҳаракатларни ҳам амалга оширади. Масалан, айнан онаси айтган бармоғини қимирлатади.
Олимлар турлича фикрлар билдирмоқда. Кўпчилик қиз ҳақиқатан ҳам тирик эканлигини исботлаш учун видеоёзувнинг ўзи кифоя эмас, деб ҳисоблайди. 2015 йилдан буён Макматнинг ота-онаси касалхона билан судлашиб, юридик жиҳатдан қизининг ҳаётини қайтариб беришни талаб қилиб келмоқда.
Изоҳ (0)