Африканинг Бенин давлати қирғоқлари яқинида бортида ҳиндистонлик 22 денгизчи бўлган танкер ғойиб бўлди ва 48 соатдан бери алоқага чиқмаяпти. Бу ҳақда «РИА Новости» хабар бермоқда.
Маълумотларга кўра, Панамада рўйхатга олинган Marine Express кемаси умумий қиймати 8,1 миллион долларга тенг 13,5 минг тонна ёқилғини олиб кетаётган эди.
Кема сўнгги бор 31 январь куни, Бениннинг Kotonу порт шаҳрига яқинлашганида алоқага чиққан. Шундан бери у билан алоқани қайта тиклаб бўлмаяпти.
Ҳиндистон расмийларининг тахминига кўра, кема қароқчилар томонидан эгаллаб олингани бўлиши мумкин. Бироқ ҳозирча бу тахмин тасдиқланганича йўқ.
Ҳиндистоннинг NDTV телеканали хабарига кўра, Ҳиндистоннинг кема қатновлари вазирлиги йўқолган танкер ва унинг экипаж аъзолари турган жойни аниқлашда ёрдам сўраб Бенин ва Нигериянинг тегишли идораларига мурожаат қилган.
Изоҳ (0)