Қорақалпоғистон Республикаси Экология ва атроф-муҳитни муҳофаза қилиш қўмитаси Чиқиндиларнинг ҳосил бўлиши, тўпланиши, сақланиши, ташилиши, утилизация қилиниши, қайта ишланиши, кўмилиши ва реализациясини назорат қилиш инспекцияси ҳудудий бўлими томонидан 2017 йилда 126 ноқонуний чиқинди ташлаш жойи аниқланган. 297,5 тонна чиқинди махсус жойларга чиқарилиб, йўқ қилинган деб хабар берди ЎзА.
Нукус туманида ўтказилган рейд давомида Тоқтаў ва Оқ терак маҳалла фуқаролар йиғини ҳудудида яшовчи фуқаролар томонидан кўчага чиқинди чиқариб ташланаётгани аниқланди. Уларга нисбатан тегишли тартибда тушунтириш ишлари олиб борилди ва энг кам иш ҳақининг бир баробари миқдорида жаримага тортилди.
«Ўтган йили экологик назорат ишлари бўйича белгиланган тартибда 154 рейд ўтказилиб, ноқонуний чиқинди ташлаш жойларини аниқлаш бўйича мониторинг ишлари амалга оширилди. Аниқланган қонун бузилиш ҳолатлари бўйича 98 маҳаллий бошқарув ва фуқароларнинг ўзини ўзи бошқариш органларига, махсус санитария-тозалаш корхоналарига, жисмоний ва юридик шахсларга огоҳлантириш берилиб, 108 фуқарога қонунда белгиланган тартибда чора кўрилди. 18 миллион 575 минг сўм миқдорида жаримага тортилди», — дейди инспекциясиянинг ҳудудий бўлим бошлиғи М.Нуржонов.
Изоҳ (0)