2017 йили Ўзбекистонда деҳқон, фермер ва томорқачилари томонидан жами 21,4 миллион тонна мева-сабзавот етиштирилди. Бу ҳақда Қишлоқ ва сув хўжалиги вазирлиги маълум қилди, дея хабар беради «Халқ сўзи».
Ҳосилнинг 11,4 миллион тоннаси сабзавот, 2,1 миллион тоннаси полиз экинлари, 3 миллион тоннаси картошка, 3,1 миллион тоннаси мева ва 1,8 миллион тоннаси узумдан иборат.
Республика бўйича 13 минг гектар интенсив боғ, 7 минг гектар токзор барпо этилди. 15,2 минг гектар яроқсиз боғ ҳамда 9,1 минг гектар токзор реконструкция қилинди.
Қисқартирилган пахта ва ғалла майдонлари ўрнига мева-сабзавот экинлари жойлаштирилаётгани озиқ-овқат маҳсулотлари етиштириш ҳажми ортишига туртки бўлмоқда.
2016—2017 йилларда шундай ер майдонларининг 8,5 минг гектарида интенсив боғ, 4,4 минг гектарида токзор барпо этилди. 39,9 минг гектар сабзавот, 13,2 минг гектар картошка экилди.
Изоҳ (0)