Pixar «Барселона» футбол клуби ҳақида мультфильм яратади

Pixar анимацион студияси «Барселона» футболчилари бош қаҳрамон бўлган мультфильм яратиш ниятида, деб хабар берди La Jugada Financiera.

«Айни вақтда каталонияликлар анимацион фильм суратга олиш борасида америкалик режиссёрлар билан музокара ўтказмоқда. ‘Барселона’ ва Pixar менежерлари ўртасида алоқалар ўрнатилган. Биз майда-чуйда продюсерлар ҳақида гапирмаяпмиз. Бу Уолт Disney», — дейди радиобошловчи Рокко Штайнхаузер.

«Барселона» мазкур фильм орқали ўз брендининг медиа соҳасидаги машҳурлигини ошириш ниятида. Картина ҳақида батафсил маълумотлар ҳозирча маълум эмас.

Маълумот учун, Pixar киностудиясининг «Ўйинчоқлар тарихи» (1995), «Немони излаб» (2003), «Рататуй» (2007), «ВАЛЛ-И» (2008), «Чақмоқ МакКуин» мультфильмлари бутун дунёда машҳурликка эришган.