Ўтган йили ўзининг 90 ёшини нишонлаган италиялик актриса Жина Лоллобрижида 1 февраль, пайшанба куни Лос-Анжелесдаги Голливуднинг шон-шуҳрат хиёбонида ўз юлдузига эга бўлди, деб хабар берди «ТАСС».
Ушбу юлдуз ҳисоб бўйича Голливуд бульваридаги йўлакка ўрнатилган 2628-рамз бўлди. Унинг очилиш маросимида италиялик актрисанинг ўзи ҳам иштирок этди.
«Кўп маротаба сайр қилган булваримда бўлишдан жуда хурсандман. Бу ерда кўплаб юлдузларни абадийлаштириш борасидаги фикр менга ёқади», — деди актриса Variety нашрига берган интервьюсида.
Here's the star unveiling on the #hollywoodwalkoffame for international screen icon Gina Lollobrigida. She says, at 90, she's still got it going on! pic.twitter.com/nnWii5kekh
— George Pennacchio (@abc7george) February 1, 2018
Лоллобрижида Италия кинематографиясининг ёрқин вакиллари, жумладан, Луижи Зампа, Марио Моничелли, Карло Лиццани каби режиссёрларнинг фильмларида суратга тушган. Унга машҳурликни Fanfan la Tulipe картинасидаги, шунингдек, Виктор Гюгонинг «Нотердам собори» асари асосида экранлаштирилган фильмдаги Эсмеральда роллари олиб келган.