Шимолий Корея 2017 йилда БМТ санкцияларини четлаб ўтиб, ноқонуний кўмир ва қурол экспортидан 200 миллион доллар даромад олди. Бу ҳақда Reuters маълум қилди, дея хабар беради «Коммерсант.ru».
БМТ мустақил кузатувчилари ҳисоботига кўра, КХДР Россия, Хитой, Малайзия ва Вьетнам портларига 23 маротаба кўмир етказиб берган. Мазкур жараёнда сохта ҳужжатлардан фойдаланилган ва уларда етказиб берувчи сифатида Хитой ва Россия кўрсатилган.
Кузатувчилар Шимолий Кореянинг Сурия ва Мьянма билан узоқ давом этган ҳамкорлигига ҳам эътибор қаратди.
Жумладан, 2012—2017 йилларда мамлакат кимёвий қурол дастурини назорат қиладиган Сурия илмий тадқиқот ва ишланмалар марказига 40 дан ортиқ юк жўнатилган. Мьянмага эса баллистик ракеталар юборилгани билдирилмоқда.
Изоҳ (0)