АҚШ расмийлари 2017 йил октябрида Лас-Вегасда АҚШ тарихидаги энг қонли отишмани уюштирган Стивен Педдокка зирҳтешар ўқ сотган дўкондорга айблов эълон қилди. Бу ҳақда «ТАСС» хабар бермоқда.
Аризона штатида яшовчи Дуглас Хейг ҳуқуқ-тартибот идоралари ходимлари томонидан сўроққа тутилди.
Расмийларга кўра, у тегишли лицензияга эга бўлмай, мазкур ўқ-дориларни тайёрлаган ва сотган. Терговчилар ўқларда Хейгнинг бармоқ изларини аниқлади.
Эслатиб ўтамиз, Педдок Mandalay Bay меҳмонхонасининг 32-қаватидан мусиқий фестиваль қатнашчиларига ўқ узиши оқибатида 58 киши ҳалок бўлган, 520 дан ортиқ одам жароҳатланганди.
Изоҳ (0)