Нью-Йоркдаги ўрта мактаблардан бирида ўқитувчи қулликнинг моҳиятини қора танли ўқувчилар мисолида кўрсатиб берди. Ўқитувчи қора танли ўқувчиларни полга ётқизиб, улардан бирини оёғи билан босди. Ўқитувчининг бу каби хатти-ҳаракати ижтимоий тармоқларда кескин танқидга учради, деб хабар берди Fox News.
Нашрнинг таъкидлашича, Патрисия Каммингс 7-синф ўқувчиларига дарс ўтаётган бўлган. Ўқитувчи болаларга қулликнинг «Учбурчак шакли» (қулларнинг Африка, Америка ва Европа ўртасидаги савдоси) ҳақида сўзлаб берган. Патрисия уч нафар қора танли ўқувчидан бутун синф олдида ерга ётишни сўраган.
У ерда ётганларнинг биридан «Сен қуллик қанақа бўлишини тушуняпсанми? Ўзингни қандай ҳис қиляпсан?», деб сўради. Ерда ётган қиз «яхши» деганидан сўнг, ўқитувчи унинг елкасини оёғи билан босди-да: «Қуллик қанақа бўлишини кўряпсизларми?», деди.Ўқувчиларнинг айтишича, Каммингс бунга қадар қулликда калтакланган ва қийноққа солинганлар тасвирланган видеони қўйиб берган.Ҳодиса гувоҳи бўлган ўқувчи
Маълумотларга кўра, Каммингс 2016 йилдан бери мактабда ишлайди, нохуш ҳодисадан сўнг ишдан бўшатилди, бироқ кўп ўтмай у яна дарс бера бошлаган. Ҳозирда ўқитувчига нисбатан тергов ишлари давом этмоқда.
Ушбу ҳодиса содир бўлган Бронксдаги 118-сонли мактабнинг 81 фоиз ўқувчиларини қора танли ва испан тилида сўзлашувчилар ташкил этади. Уч фоизи эса оқ танлидир. Каммингснинг ўзи ҳам оқ танли.
Изоҳ (0)