Исроил армияси Ғазо секторидан амалга оширилган ракета зарбаларига қарши фаластинлик жангариларнинг базасига авиазарба берганини тасдиқлади, деб хабар берди «Корреспондент.net».
Таъкидланишича, анклав жанубидаги иккита ҳарбий бинодан иборат комплекс нишонга олинган.
«Ўтган кеча Исроил жануби томон учирилган ракеталарга қарши самолётларимиз Ғазо секторининг жанубий қисмидаги иккита ҳарбий бинодан иборат ҲАМАС комплексига ҳужум уюштирди», — дейилади армия матбуот хизматининг хабарида.
Эслатиб ўтамиз, Ғазо секторидан амалга оширилган зарбалар оқибатида ҳеч ким жароҳатланмаган, Фаластин томонидаги йўқотишлар борасида эса ҳозирча маълумот йўқ.
Исроил мазкур ракеталарнинг учирилишини ҳам анклав ҳудудидан амалга оширилган бошқа ҳаракатлар каби ҲАМАС ҳаракатининг зиммасига юклади.
Изоҳ (0)