Туркияда тақиқланган Курдистон ишчи партиясининг салкам 50 нафар аъзоси Ироқ шимолига амалга оширилган авиазарбалар натижасида йўқ қилинди. Бу ҳақда мамлакат ҳаво кучлари бош штабига маълумотларига таяниб, «РИА Новости» хабар берди.
«29 январь куни Туркия Ҳарбий-ҳаво кучларининг иккита авиазарбаси натижасида Ироқ шимолидаги Ассос (Қандил), Зап, Авашин (Басян) ва Хакурк туманларига ўрнашиб олган айирмачи террорчилар ташкилотининг 49 нафар аъзоси йўқ қилинди», — дейилади хабарда.
2015 йилнинг июлида Туркиянинг террорчилик ташкилоти билан қуролли тўқнашуви қайта юзага келганидан буён 900 нафардан ортиқ ҳарбий ва полициячилар, шунингдек, 300 дан ортиқ тинч аҳоли ҳалок бўлган. Туркия Мудофаа вазирлигининг маълумотларига кўра, ушбу давр мобайнида хавфсизлик кучлари 10 мингдан ортиқ жангарини йўқ қилишга эришган.
Изоҳ (0)