2018 йил бошида дунё бўйича интернет фойдаланувчилари сони тарихда илк бор 4 миллиард кишидан ошди. Бу ҳақда Daily Afisha хабар бермоқда.
Ўтган йил якунлари бўйича фойдаланувчилар сони 250 миллион кишига кўпайди. Интернет тарқалиши кўрсаткичи ҳар йили камида 20 фоизга ошаётган Африка бу борада дунёнинг энг тез ривожланаётган минтақасига айланди.
Экспертлар интернет фойдаланувчилари сони ошиши омилларидан бири сифатида янги ва нисбатан арзон смартфонлар пайдо бўлганини айтмоқда.
Тадқиқотларга кўра, 2017 йили 200 миллиондан ортиқ киши илк бор шундай телефонларга эга бўлди. Натижада мазкур қурилмалардан бугунги кунга келиб Ер юзи аҳолисининг учдан икки қисми фойдаланмоқда.
Изоҳ (0)