Буюк Британияда 2030 йилга келиб ҳар бешинчи иш ўрни роботлар томонидан эгалланади. Centre for Cities тадқиқот институти маълумотлари шундан далолат бермоқда, дея хабар беради «Интерфакс».
Автоматлаштириш энг кўп буюртмачилар ва мижозлар билан ишловчилар, дўконлар ходимлари ва омборхона ишчиларига таҳдид солмоқда.
Шу билан бирга, меҳнат жараёни автоматлаштирилиши ва роботлаштирилиши натижасида одамлар ҳали хаёлига ҳам келтирмаган янги касблар пайдо бўлади.
Агар Буюк Британияда роботлаштириш туфайли иш ўринларининг йўқотилиши 2030 йилга келиб ўртача 21 фоизни ташкил этса, Мансфилд, Сандерленд ва Уэйкфилд шаҳарларида бу кўрсаткич 29, Стокда 28, Донкастерда 27 фоизга етади.
Оксфорд ва Кембриж (13 фоиз), Рединг (15 фоиз), пойтахт Лондон ва Уэртинг (16 фоиз) бу борадаги энг «хавфсиз» ҳудудлар ҳисобланади.
Изоҳ (0)