АҚШ ҳукумати хавфсиз 5G тармоғини яратиш юзасидан хусусий компаниялар билан музокаралар олиб бормоқда. Бу ҳақда «Интерфакс» хабар берди.
Таъкидланишича, музокаралар дастлабки босқичда бўлиб, молиялаштириш ва тармоқ устидан назорат бўйича асосий қарорлар ҳали қабул қилингани йўқ. 5G тармоғини яратиш бўйича бир қатор компаниялар иш олиб бормоқда. Баъзи компаниялар томонидан тармоқни тақдим этиш 2020 йилга мўлжалланмоқда.
Вашингтон 5G бўйича музокараларни Европа ва Осиёдаги компаниялар билан олиб бормоқда. Хабар қилинишича, АҚШ Хитойдан ҳимояланиш учун миллий мобил тармоқнинг бир қисмини ўз назорати остига олиш имкониятларини кўриб чиқмоқда.
Изоҳ (0)