Япониянинг Nissan компанияси меҳмонхоналарда кийиш учун мўлжалланган ва бошқа оёқ кийимларнинг ёнига мустақил жойлаша оладиган шиппакларни яратди. Ихтиронинг тақдимоти компаниянинг YouTube’даги каналига жойланди.
Видеода кўринадики, меҳмонлар шиппакларни ўзларига қулай жойда қолдиради, шиппак эса бошқа шиппаклар турган жойга мустақил боради ва уларнинг ёнига жойлашади. Уларни ҳаракатланишга коридор деворига ўрнатилган тугма мажбур қилади.
Шиппакда қўлланилган технология ҳайдовчисиз автомобилларда қўлланилган технология билан бир хил. Видео изоҳида қайд этилишича, бундай технология билан мебел ва ёстиқларни ҳам жиҳозлаш режалаштирилмоқда.
Изоҳ (0)