Ғарбий Мексикада яшовчи аҳоли денгиздан 240 километр узоқликдаги шосседа 300 та ўлик акула ётганини аниқлади, деб хабар беради Fox News.
Қайд этилишича, акулалар жиноий гуруҳлар ва наркосавдогарлар фаолият юритувчи Мичоакан штати Юрекуаро қишлоғида топилган.
Атроф-муҳитни муҳофаза қилиш бошқармаси балиқлар мамлакатнинг шимолий штатларида ноқонуний равишда тутилган бўлиши мумкинлигини тахмин қилмоқда.
Улар Мехикога олиб кетилаётган бўлган. Бироқ, ўғрилар фурани эгаллаб, олиб қочиб кетган. Музлатилган юкни эса йўл четига ташлаб юборишган.
«Гап тулкисимон акулалар ёки денгиз тулкилари ҳақида кетмоқда. Мексикада мазкур турдаги балиқлар қўриқланмайдиган жониворлар туркумига киради», — дейилади хабарда
Аксарият ўлик акулалар оқ брезент қопларга солинган.
Нашрнинг қайд этишича, дунёдаги 500 турдаги акулалардан 150 турдагиси Мексикадаги сув ҳавзаларида яшайди. Улардан кўпчилиги йўқолиб кетиш арафасида турибди.
Изоҳ (0)